Maa…

Jab bhi ye lafz sunte hain, khayal bas ek hi aata hai

Chehra apni Maa ka, Nazro k saamne cha jaata hai

Is jahan me ek wahi dil k sabse kareeb hoti hai

Uske anchal me chip kar, lagti duniya kitni choti hai

Maa ki kokh se jab hum is duniya me aate hain

Ghar aangan me sab, khushiyon k deep jalate hain

Maa, Ungli pakad kar hume chalna sikhati hai

Aur har kadam par, har mod par, apne bachcho ka hausla badhati hai

Jeewan ki mushkil raah me, hum dhero rishte banate hain, nibhate hain

Par Maa se jo atoot rishta hai, na kabhi bhulate hain, na kabhi mitate hain

Jis pal me jis mod par, thokar khakar, hum girte hain hum rote hain

Us har pal me har mod par, ye dard mitane ko, hum Maa ki god me sote hain

Dukh me dard me hume, sabse pehle Maa ki yad kyu aati hai?

Shayad isliye kyunki, Maa ishwar ka swaroop kehlati hai

Maa k liye uska beta har waqt chota hi hota hai

Humare Maa k pass humari har zaroorat ka samadhan hota hai

Khushali ho Maa k jeewan me, koi dukh kabhi na aaye

Dua hai meri, koi beta kabhi apni Maa ka dil na Dukhaye

Unnati ho aap sabhi ki, roshan ho aapi Maa ka naam

Duniya ki sabhi Maaon ko mera salam